විදුහල්පති පණිවිඩය

පාසලේ දැක්ම හා මෙහෙවර පෙරටුකර ගනිමින් ආකල්ප කුසලතා වලින් පිරිපුන් සමබර පෞරුෂයක් සහිත පුරවැසියන් පිහිසක් බිහි කිරීමට වෙර දරන හ/බිංකම මහා විද්‍යාලයේ විද්‍යාලාධීපති වශයෙන් වර්තමානයේ කටයුතු කරමින් වර්තමාන දරු පරපුරට මග පෙන්වන්නට ලැබීම මා ලද භාග්‍යකි. පාසල මේ දක්වා අඩ සියවසක පමණ කාලයක් තුළ පැමිණි මග  මල් මාවතක් ඔස්සේ සිදු වූවක් නොවේ. විද්‍යාලය ආරම්භයේ සිට මේ දක්වා කටයුතු කළ විදුහල්පතිවරුන් සුබ පතමින් ආචාර්ය මණ්ඩලය, අධ්‍යාපන නිලධාරීන්  සහ විද්‍යාලයේ ආදරණීය දෙමාපියන්, සිසු දරුවන්ගේ සහ විද්‍යාලයේ උන්නතිය සඳහා දක්වා ඇති අපරිමිත උත්සාහය  කෘතඥ පූර්වකව සිහි කළ යුතුය. මේ සියලු දෙනාගේ උත්සාහයෙන් ගඩොලින් ගඩොල බිඳෙන් බිඳ ගොඩනැගුණු පාසල අද වන විට ඉගෙනුම ලබන දරුවන්ට ප්‍රිය මනාප ඉගනුම් ඉගෙනුම් පරිසරයකි.

විද්‍යාලයේ කාර්යභාරයන් ක්‍රමානුකූල කාර්යය බෙදීමක් හා වගකීම් පැවරීම අනුව ක්‍රියාත්මක වේ නියෝජ්‍ය විදුහල්පතිවරයකු, සහකාර විදුහල්පතිවරුන් දෙදෙනකු හා විෂයභාර ගුරුවරුන් පන්තිභාර ගුරුවරුන් වශයෙන් වගකීම් පවරා කළමනාකරණ කටයුතු සිදු කෙරේ පාසල් පරිපාලනයට හා ඉගෙනුම් ඉගැන්වීම් ක්‍රියාවලියට සහාය දක්වන 25 කින් පමණ සමන්විත වන ගුරුමණ්ඩලය හා හතර දෙනෙකුගෙන් සමන්විත වන අනධ්‍යයන කාර්ය මණ්ඩලය සැමවිටම ශක්තියක් වන ශිෂ්‍ය නායක මණ්ඩලයට ද මෙම අවස්ථාවේදී ස්තුතිය පුදකරමි විද්‍යාලයේ අරමුණු සාක්ෂාත් කරගැනීමට ඔවුන්ගෙන් ලැබෙන සහය මහත් අස්වැසිල්ලකි.

අධ්‍යාපන ක්ෂේත්‍රයට සම්බන්ධ ඉහළ පරිපාලන ආයතන, අඟුණුකොළපෑලැස්ස කොට්ඨාස අධ්‍යාපන කාර්යාලය, තංගල්ල කලාප අධ්‍යාපන කාර්යාලය හා අනෙකුත් ඊට ඉහල අධ්‍යාපන පරිපාලන ආයතන වලින් ලැබෙන සහයෝගය මත සාර්ථකව පාසල පවත්වා ගැනීමට ඇප කැප වෙමි.

විදුහල්පති,

බිංකම මහා විද්‍යාලය